Քանի որ մենք գործարար տղամարդկանց համար նախատեսված աքսեսուարների միայն առցանց խանութ ենք, և հաճախորդն ինքը հնարավորություն չունի մոտենալ խանութ, տեսնել, շոշափել ապրանքը, մենք որոշեցինք, որ մեր ապրանքների առաքումը պետք է լինի անվճար: Նաև հաճախորդը պետք է հնարավորություն ունենա ապրանքն առաքման պահին հետ վերադարձնել (առանց որևէ պարտավորության), եթե որևէ բան իր սպասումներին չի համապատասխանում: Երբ առաքումը դարձրեցինք անվճար, որոշեցինք նաև կիրառել դրա հետ կապված մեր հիմնական կանոններից մեկը՝ «Չենք ընդունում թեյավճար»: Դրա համար մենք ունենք երկու հիմնավորում.
«Անվճարն» անվճար է
Մեզ համար կարևոր է, որ երբ հաճախորդը լսում է «անվճար» բառը, կասկածներ չունենա, որ դրա տակ թաքնված է որևէ «պարտավորություն», օրինակ՝ թեյավճարի տեսքով: Մեզ մոտ «անվճարն» անվճար է: Այսինքն՝ մենք հաճախորդին տալիս ենք այն, ինչ նա սպասում է: Մեզ համար կարևոր է պարզությունը հարաբերությունների մեջ: Մեր առաքիչները «կրթված» են այնպես, որ երբեք չեն ակնկալում թեյավճար, իսկ առաջարկի դեպքում՝ շնորհակալություն հայտնում և մերժում, քանի որ սկզբունքները, որ մենք դրել ենք Boorg-հաճախորդ հարաբերությունների հիմքում, ամենից կարևորն են, մեր տեսլականն ամենից ոգեշնչողն է:
Առանց ավելորդ լարվածության
Որքան շատ ավելորդ մտքեր են պտտվում հաճախորդի գլխում մեզ հետ շփման ընթացքում, այնքան աճում է ընդհանուր լարվածությունը պատվերի հետ կապված: Օրինակ, հաճախորդը մտածում է. «Արդյո՞ք ապրանքի որակը լավն է», «Արդյո՞ք տանը կլինեմ առաքման ժամանակ», «Արդյո՞ք առաքիչը մանրադրամ կունենա», «Արդյո՞ք թեյավճար պետք է թողնեմ», և այլն, և այլն: Նույնիսկ եթե այս մտքերից ոմանք մանրուք են թվում, դրանցից մի քանիսի առկայությունը միաժամանակ լարվածության որոշակի զգացողություն է առաջացնում, որից մենք ցանկանում ենք խուսափել: Այդ պատճառով ենք պարբերաբար հիշեցնում մեր հաճախորդներին այն «կանոնները», որոնցով առաջնորդվում ենք, որպեսզի յուրաքանչյուր հաջորդ պատվերի ժամանակ հաճախորդն իրեն ավելի հարմարավետ զգա:
Հեղինակի մասին
